اولا نقول الف مبروك للذين تم اختيارهم بالجامعات والمعاهد السوداينه المختلفه واكيد حتنزلو الدراسه بس هناك بعض المحازير يجب اخذها في الحسبان
اسمها ليكشر ماحصه🙈
اسمها بريك ماحصة فطور.
اسمو #دكتور ما استاذ
اسمو #بينش ما كنبه
#ارفع يدك ساي عند المشاركه وماتقول (ساس ساس او فضليك)
#شيت ماورق قرايه
منبر ما لمه
#قاعه ـ مافصل
📒 اسمو #نوت #بوك ماكراس.
في سناير 😎 بحبو يبرلموكم يعني عادي يخششوكم القاعه وتاخدو محاضرة في الادب الجاهلي.😁
وايضا للاولاد عادي برضو يخششوكم استراحة البنات ويوثقو 📱 ليكم عشان ماتنكر لمن تتخرج.🎓
#يا فالح/ هـ اوع تغير مشيتك الايام بدور وبكشفوك علي حقيقتك.🙆♂️
#عادي زميلتك / زميلك يعجب بيك ويشيل منك الـ نوت بوك القلناهو فوق داك فا اوعاك /ي تقول /ي حب لا لا كدا غلطان / هـ.🤷🏻♂️
#اوعاك تطلع من الجامعه وما تتعلم الشجاعه الادبيه لانك حتقابل مجتمع انت اساس التغيير فيه.
#حاول/ي بقدر الامكان ان تعرف كل دفعتك (الاسم ـ السكن ـ لا مانع من الحاله الاجتماعيه ) لانو حيجي يوم وحتمشي احدي ولايات السودان الكبير دا ماتحتار و ولبيت صديقك اختار. يعني عادي بتكون ملم باسماء هذه الاماكن اين تقع (ابوالحسن ـ رشاد ـ كتيله ـ طيبة الخواض ـ المغاوير ـ كبوشيه ـ غبيش ـ الكرقل ـ كيلك ـ الخرصان ـ بانتيو. الصفر ـ الكمير ـ الجوير ـ سنكات ـ الحصاحيصا ـ سنجه ـ الدويم ـ شنقلي توباي ـ رهيد البردي ـ الصنوط ـ الفاو ـ الطويشه ـ ابوحجار ـ المكنيه ـ ودالمهيدي ـ الهلاليه ـ كتم -الحلنقه ـ جبيت ـ ارقو ـ حفيرمشو ـ السليم ـ نوري ـ الكرمك ـ كيقاجرن ـ ام عداره ـ واوسي ـ الدامر ـ المحفوره ـ كدام ـ المشايش ـ البسابير ـ الفيض ـ جزيرة لبب ـ كريمه ـ البرقيق ـ ودسلفاب ـ برباش ـ الضوياب ـ الدبيبات ـ السعاته ـ خماس ـ الرنق ـ سماسم ـ رهيد البردي ـ كتيله ـ دارندوكا ـ المتمه ـ التراجمه ـ كرمة ـ القولد ـ كبكابيه ـ المغاوير ـ القطينه ـ الفجيجه ـ قوز بدر ـ المالحه ـ البجا دميك ـ الميرم ـ مايرنو ـ الفينقر ـ صاي ـ الدبكر ـ تلودي ـ اللعيت ـ الجزيره ابا ـ بليله ـ الميرم ـ العبيديه ـ امري المناصير ـ ابواللكري ـ الاراك ـ الحنمبول ـ كدام ـ هبيله ـ جنقلي ـ اويل ـ ابيي ـ حلفاـ ـ الفشقه ـ ابوحراز ـ امدم حاج احمد ـ صقع الجمل ـ كازقيل ـ الحاج يوسف 😒 ـ المنشيه🥰…الخ ) 🫂.
#الدكتور بديك 50/% والباقي منك يعني المكتبه (الورقيه او الالكترونيه ) تكون ملازم لها.
#عادي بتطرح افكار ووجهات نظر متباينه ويطلبو منك ان تشارك فخش (توش) ماتلاوز. ??🏻♂️.
#ماتكتفي انك تكون مع اولاد حلتك او منطقتك في الجامعه لا لا حاول اتعرف علي السودان القومي الكبير وانو هي فرصه اتيحت لك فيجب اغتنامها .
#ارجو ان تحتفظ/ي بالمنشور حتي لا تقع في هذه المحظورات.
🖊️ خميس النور رزق الله.
18/1
الثلاثاء